भरतपुर अस्पतालको आईसीयूमा एक बिरामीको मृत्यु, स्वाव परीक्षण गरिँदै

चितवन । चितवनको भरतपुर अस्पताको आईसीयूमा उपचाररत एक व्यक्तिको मृत्यु भएको छ ।

लुम्बिनी प्रादेशिक अस्पतालबाट रिफर गरिएका नवलपरासी रामग्राम ५ का ४८ वर्षीय पुरुषको आईसीयूमा मृत्यु भएको भरतपुर अस्पतालले जनाएको छ ।

अस्पताल ल्याउँदा मृतक छाती दुख्ने, वान्ता हुने तथा श्वाप्रश्वासको समस्याबाट ग्रस्त थिए । निमोनियाको समस्या भएका बिरामी अस्पतालमा ल्याउँदा नै सिरियस अवस्थामा थिए ।

बुटवलमै छँदा कोरोना भाइरसको परीक्षणका लागि स्वाब लिइएको भएपनि त्यसको नतिजा भने आइसकेको छैन । भरतपुर अस्पतालले पुनः स्वाव परीक्षण गर्ने तयारी गरेको भरतपुर अस्पताका सूचना अधिकारी लिलाधर पौडेलले बताउनुभयो ।