बुटवल । कोरोना भाइरस संक्रमितको नजिक जान समेत डराएर उपचार नपाएको गुनासो आएको बेला पाटन अस्पतालका चिकित्सकले भने कोरोना संक्रमितको शल्यक्रिया गरिदिएकाछन् ।
बिरामी संक्रमित हुन् भन्ने थाहा पाएकै अवस्थामा चिकित्सकहरुले उनको शल्यक्रिया गरेका हुन् । आज पाटन अस्पतालमा खुट्टाको शल्यक्रिया गरिएको छ ।
नेपालमा कोरोन संक्रमितको शल्यक्रिया भएको यो नै पहिलो घटना हो । चिकित्सकहरुले पीपीई लगाएर शल्यक्रिया गरेका थिए । अहिले बिरामीको अवस्था सामान्य रहेको अस्पतालले जनाएको छ ।
सह प्राध्यापक डा. बिमल पाण्डे, प्राध्यापक डा. सुमन श्रेष्ठ र सह प्राध्यापक डा. तोया भट्ट सहितको टिमले बिरामीको अप्रेशन गरेका थिए ।
सर्लाहीका बिरामी एक हप्ताअघि सडक दुर्घटनामा घाइते भएका थिए । उनलाई जिल्लामा उपचार सम्भव नभएपछि थप उपचारका लागि काठमाडौं लगिएको थियो । उनको भांचिएको खुट्टाको अप्रेशन गरिएको हो ।
प्रतिक्रिया