विश्व स्वास्थ्य संगठन WHO ले हाड्रोक्सिक्लोरोक्विनको क्लिलिनकल ट्रायललाई अस्थायी रुपमा रोक लगाएको छ ।
विश्व स्वास्थ्य संगठन (ब्ल्यूएचओ) ले कोरोनाका बिरामीमा हाइड्रोक्सिक्लोरोक्विनको प्रयोगबारे जारी क्लिनिकल ट्रायललाई तत्काका लागि अस्थायी रुपमा रोक्ने फैसला गरेको हो ।
संगठन के निदेशक डा. टेड्रोस एडहोनम गिब्रियेसुसले भनेका छन् कि यो औषधीको सुरक्षित प्रयोगबारे डेटा सेफ्टी मोनिटरिङ बोर्डले अध्ययन गर्नेछ । साथै, यो औषधीसँग जोडिएको विश्वभरको प्रयोगलाई पनि व्यापक विश्लेषण गरिनेछ ।
हाइड्रोक्सिक्लोरोक्विन या क्लोरोक्विनको प्रयोग मलेरिया र लुपसका बिरामीलाई दिइन्छ । तर, कोरोनाका बिरामीमा यो औषधीको सुरक्षित प्रयोगबारे चिकित्सकहरुले चिन्ता व्यक्त गरेका थिए ।
साइन्स जनर्मल ‘लन्सेट’ मा हालसालै छापिएको एक सोधलाई आधार मानेर डा. टेड्रोसले भनेका छन् कि कोरोना संक्रमितको उपचारमा जहाँ हाइड्रोक्सिक्लोरोक्विन औषधी प्रयोग गरिएको छ, त्यहाँ मृत्युको खतरा धेरै छ ।
अध्ययन सार्वजनिक भएपछि शनिवार विश्व स्वास्थ्य संगठनको सोलिडेरिटी ट्रायल (डब्ल्यूएचओ निगरानीमा भैरहेको कोभिड–१९ को क्लिनिकल ट्रायल) को एक्सिक्यूटिव ग्रुपको बैठक भएको थियो । १० सदस्य देशका प्रतिनिधि रहेको यस गु्रपको बैठकपछि यो औषधीसँग जोडिएको क्लिनिकल ट्रायललाई थप अध्ययन नभएसम्म तत्कालको स्थगित गर्ने निर्णय गरेको थियो । साथै विश्वभर यस औषधीबाट गरिएको प्रयोगको व्यापक विश्लेषण गर्ने फैसला गरेको थियो ।
अमेरिकी राष्ट्रपति डोनाल्ड ट्रम्पले यो औषधी प्रयोगका लागि अमेरिकी चिकित्सकहरुको सल्लाह विपरित लगातार प्रोत्साहन गर्दै आएका छन् । मानौं ट्रम्प नै कोरोनाका विशेषज्ञ चिकित्कक हुन् । उनी आफैले कोरोना भाइरसबाट वच्नको लागि हाइड्रोक्सिक्लोरोक्विन खाने गरेको भन्दै औषधीको मार्केटिङ गरिरहेका छन् ।
तर, अहिलेसम्म यो औषधीको प्रयोगले कोरोना निको भएको कुनै प्रमाण मिलेको छैन । बरु अधिक प्रयोगले थप हानी गरेको भन्दै चिकित्सकहरुले प्रयोगमा चेतावनी दिइरहेका छ्न ।
हाइड्रोक्सिक्लोरोक्विनको सबैभन्दा धेरै उत्पादक भारत रहेको छ । भारतले गत मार्चमा विदेशमा निर्यात हुन प्रतिबन्ध लगाएको थियो । अमेरिकी राष्ट्रपति ट्रम्पले प्रतिबन्ध नहटाए भारतमाथि जवाफी कारवाही गर्ने धम्की दिएपछि भारतले यो औषधी निर्यात खुला गरेको थियो ।
डब्लुएचओको निर्णयले भारतको औषधी व्यापामा पनि तत्कालका लागि धक्का लागेको छ ।
प्रतिक्रिया