अर्थमन्त्रीबाट आर्थिक सर्वेक्षण प्रतिवेदन सार्वजनिक, चालु आर्थिक वर्षको वृद्धिदर २.३ प्रतिशतमा सीमित

काठमाडौं । सरकारले चालु आर्थिक वर्षको आर्थिक वृद्धिदर २.३ प्रतिशतमा सीमित हुने अनुमान गरेको छ ।

अर्थमन्त्री डा. युवराज खतिवडाले संसदमा आर्थिक सर्वेक्षण प्रतिवेदन २०७६/७७ सार्वजनिक गर्दै चालु आर्थिक वर्षको आर्थिक वृद्धिदर २।३ प्रतिशतमा खुम्चिने अनुमान रहेको बताउनुभएको हो ।

गत फागुनपछि सुरु भएको कोरोना भाइरसको महामारी र त्यसले अर्थतन्त्रमा पारेको प्रभावका कारण अर्थतन्त्रको वृद्धिदर नराम्रोसँग खुम्चिने अवस्थामा पुगको अर्थमन्त्री खतिवडाले बताउनुभयो ।

यसअघि गत वैशाख १७ गते केन्द्रीय तथ्यांक विभागले चालुृ वर्षको आर्थिक वृद्धिदर २.२७ प्रतिशत हुने अनुमान सार्वजनिक गरेको थियो । तथ्यांक विभागको भन्दा सरकारले अनुमान गरेको वृद्धिदर ०.०३ प्रतिशत बढी रहेको छ ।

सरकारले ८.५ प्रतिशत आर्थिक वृद्धिको लक्ष्य लिएको थियो ।