नेपालगञ्ज । बांकेमा लकडाउन कार्यान्वयन र संक्रमितहरुको उद्दारमा खटिएका प्रहरीहरुमा देखिएको संन्त्रास कोरोना परिक्षण रिपोर्ट नेगेटिभ आएपछि हटेको छ । बाँकेका ६० जना प्रहरीको पीसीआर जाँचको रिपोर्ट नेगेटिभ आएपछि प्रहरीमा देखिएको त्रास हटेको हो ।
बांकेको नरैनापुरमा एकजना प्रहरी जवानमा संक्रमण देखिएपछि कोरोनाको जोखिमका बिच ड्युटिमा खटिएका प्रहरीको पीसीआर जाँच गरिएको थियो । जिल्ला स्वास्थ्य कार्यालय, बाँकेले स्याम्पल लिएर जाँचका लागि राप्ती स्वास्थ्य विज्ञान प्रतिष्ठान, दाङमा पठाएकोमा सबैको रिपोर्ट नेगेटिभ आएको स्वास्थ्य कार्यालय बांकेका कोरोना फोकल पर्शन नरेश श्रेष्ठले जानकारी दिनु भयो ।
नेपालगञ्जमा शुरुमा पोजिटिभ देखिएका ६० वर्षीय पुरुषको स्वाव संकलनको समयदेखि संक्रमितहरु बस्ने टोल सील र संक्रमितहरुलाई लैजाने ल्याउने कार्यमा संलग्न प्रहरीको कोरोना परीक्षण गरिएको थियो ।
बाँकेको नरैनापुरमा एकजना प्रहरीलाई कोरोना देखा परिसकेकाले फिल्डमा खटिएका अरु प्रहरीको जाँच गरिएको थियो ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले जेठ ७ र ८ गते ३ सय ५२ वटा स्याम्पल संकलन गरेर पठाएकोमा ३१ वटा पोजिटिभ र अरु सबै नेगेटिभ आएको जानकारी दिनुभयो ।
प्रतिक्रिया