१६ चैत्र २०८०, शुक्रबार | March 29, 2024

सर्वदलीय बैठक : संविधान संशोधन प्रस्ताव सर्वसम्मत पास गर्न प्रधानमन्त्रीको आग्रह



काठमाडौं । प्रधानमन्त्री केपी शर्मा ओलीले संसदमा दर्ता गरिएको संविधान संशोधन प्रस्तावलाई सर्वसम्मत पारित गर्न आग्रह गर्नभएको छ ।

प्रधानमन्त्री निवास वालुवाटारमा मंगलबार साँझ बसेको बैठकमा प्रधानमन्त्री ओलीले लिम्पियाधुरा, कालापानी र लिपुलेक क्षेत्रलाई समेटेको नयाँ नक्साअनुसार निशान छाप परिर्वतन संसदमा दर्ता भएको संविधान संशोधन विधेयकलाई सर्वसम्मत पास गर्न सबै दलहरुलाई आग्रह गर्नुभएको हो ।

सरकारले शुक्रबार दर्ता गरेको संशोधन विधेयक बुधबार प्रतिनिधिसभामा पेश हुँदैछ । राष्ट्रियता र देशभक्तिको सवालमा दलहरूबीच एक मत हुनुपर्ने धारणा बैठकमा प्रधानमन्त्रीले राख्नुभएको थियो । देशको मिचिएको भुगोल समेटेर नक्शा जारि गरिएकाले त्यसअनुसारको निशानछाप संशोधन प्रस्ताव सर्वसम्मत पास हुने उहाँले विश्वास गर्नुभयो ।

बैठकमा प्रमुख विपक्षी नेपाली कांग्रेसे केन्द्रीय कार्य समिति बैठक बस्नुपर्ने भन्दै केही समय मागेको छ । यस्तै, समाजवादी पार्टी र राष्ट्रिय जनता पार्टीले यही समयमै आफ्ना माग पनि समेट्नुपर्ने बताएका छन् ।

कांग्रेस सभापति शेरवहादुर देउवाले संविधान संशोधनको पक्षमा मतदान गर्न तयार भएको तर केन्द्रीय कार्यसमिति बैठकमा छलफल गर्नुपर्ने भएकाले केही समय चाहिने बताउनुभयो । देउवाले नक्सा जारी गर्ने बेलामा परामर्श नगरेको भन्दै सरकारको आलोचना पनि गर्नुभयो ।

बैठकमा सपा र राजपाका नेताहरूले मधेशको माग सम्बोधन गर्नुपर्ने माग गरेका छन् । बैठकमा उपस्थित मधेशवादी नेताहरु महन्थ ठाकुर, उपेन्द्र यादव र डा.बाबुराम भट्टराईले राष्ट्रियताको विषयमा एकमत हुनुपर्ने भन्दै संविधान संशोधन गर्दा मधेस र आदिवासी जनजातिका माग पनि समेट्न आग्रह गरेका छन् ।

प्रधानमन्त्री ओलीले राष्ट्रियताको विषयमा कुनै शर्त नराख्न आग्रह गर्नुभएको प्रधानमन्त्रीका प्रेस सल्लाहकार सूर्य थापाले बताउनुभयो । राष्ट्रिय हितका विषयमा निःशर्त राष्ट्रिय एकता कायम गर्न आफूले चाहेको प्रधानमन्त्रीले बताएको थापाले जानकारी दिनुभयो ।

बैठकमा नेकपा अध्यक्ष प्रचण्डले संविधान संशोधनका अरु मागका विषयमा छलफल हुँदै जाने भन्दै अहिले निशान छाप सर्वसम्मत रुपमा संशाोधन गर्नुपर्ने बताउनुभएको थियो ।

 

प्रकाशित मिति : १३ जेष्ठ २०७७, मंगलबार  ९ : १९ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका