काठमाडौं । दलहरुबीच सहमति हुन बाँकी रहेपछि प्रतिनिधिसभामा रहेको संविधान संशोधन विधेयक बुधबारको कार्यसूचीबाट हटेको छ ।
कानुनमन्त्री डा. शिवमाया तुम्बाहाङ्फेले नेपालको संविधान दोस्रो संशोधन विधेयक २०७७ बैठकमा पेश गर्नेकार्यसूची रहेको थियो ।विधेयकमा नेपालको नयाँ नक्शा बमोजिम संविधानको अनुसूचि ३ अनुसार राष्ट्रिय चिन्ह परिवर्तन गर्ने विषय समेटिएको छ ।
तर, राजनीतिक दलहरुबीच संविधान संशोधनमा सर्वसम्मति हुन बाँकी रहेकाले आजका लागि कार्यसूचिबाट हटाइएको छ ।
प्रमुख विपक्षी दल नेपाली काँग्रेसले संविधान संशोधनमा सरकारलाई सघाउने तर पार्टी केन्द्रीय कार्यसमितिको बैठकले निर्णय गर्ने जनाएको थियो ।
मधेश केन्द्रित दलहरु समाजवादी पार्टी र राष्ट्रिय जनता पार्टीले भने संविधान संशोधनमा आफ्नो पनि माग समेटिनुपर्ने शर्त राखेका छन् ।
प्रतिक्रिया