बुटवल । लायन्स क्लब अफ शंकरनगरले आफनो भवन कोरोना रोकथाममा प्रयोग गर्ने भएको छ ।
एक समारोहका बिच लायन्स ईन्टरनेशनल डि ३२५ बि का कोचिफ उमंग देवकोटा, क्लबका संस्थापक अध्यक्ष किरण खरेल, क्लबका अध्यक्ष दीपक भण्डारीले वडा नं २ का वडाअध्यक्ष तथा तिलोत्तमा नगर आईसोलेसन सेन्टरका संयोजक दधिराम गौतमलाई भवनको साचो हस्तान्तरण गर्नुभएको हो ।
क्लबका अध्यक्ष दीपक भण्डारीले नगरबासीहरुलाई डेन्टल अस्पतालमार्फत सेवा दिदै आएको क्लबको भवन अस्थाई रुपमा कोरोना रोकथाममा आईसोलेसनको सचिवालयका रुपमा प्रयोग हुने बताउनुभयो ।
क्लबले यसअघि कोरोना अस्थाई अस्पताल र शंकरनगर दुर्गादत्त क्वारेन्टिनलाई १ लाख बराबरको पिपिई र सुरक्षा सामग्री हस्तान्तरण गरेको संस्थापक अध्यक्ष खरेलले बताउनुभयो ।
शंकरनगर स्वस्थ्य चौकीलाई अहिले कोरोना रोकथामका लागि आईसोलेसन सेन्टरका रुपमा संचालन गरिएको छ । जहाँ सुविधासम्पन्न २० बेड रहेको छ । जहाँ अक्सिजन, ईसिजि मेशिन, एक्स रे मेशिन लगायत सुविधा रहेको स्वस्थ्य चौकीका प्रमुख केशव भट्टराईले बताउनुभयो ।
कार्यक्रममा तिनपा वडा नं ३ का वडाध्यक्ष तामनाथ पाण्डे, नेकपा तिलोत्तमा नगरका ईन्चार्ज मोहन चापागाई, संस्थापक अध्यक्ष किरण खरेल, सचिव दिपेश कंडेलले अहिलेको महामारीमा सबै एक ठाउँ भएर लाग्न जरुरी रहेको बताउनुभयो ।
प्रतिक्रिया