काठमाडौं । लमजुङमा प्रतिनिधिसभा निर्वाचनको मतगणना जारी रहँदा नेकपा (एमाले)का उम्मेदवार पृथ्वीसुब्बा गुरुङ अग्रस्थानमा देखिएका छन् ।
हालसम्मको मतपरिणाम अनुसार गुरुङले ३ हजार ६९१ मत प्राप्त गरेका छन् । उनका निकटतम प्रतिस्पर्धी राष्ट्रिय स्वतन्त्र पार्टीका धर्मराज केसीले ३ हजार ३९३ मतसहित पछ्याइरहेका छन् । नेपाली कांग्रेसका उम्मेदवार गमप्रसाद गुरुङले ३ हजार २७४ मत प्राप्त गरेका छन् ।
यसैगरी, नेपाली कम्युनिष्ट पार्टीका हरिजंग तामाङले ५१९ मत पाएका छन् भने राष्ट्रिय प्रजातन्त्र पार्टीका केबिन्द्रजंग गुरुङले १०२ मत प्राप्त गरेका छन् ।
लमजुङ जिल्लामा कुल १ लाख ६६ हजार २८७ जनसंख्या रहेको छ । जिल्लामा १ लाख ३३ हजार ५५९ मतदाता रहेका छन्, जसमा ६५ हजार २७१ पुरुष र ६८ हजार २८८ महिला रहेका छन् । जिल्लामा प्रतिनिधिसभाको १ र प्रदेशसभाको २ निर्वाचन क्षेत्र रहेका छन् ।
प्रतिक्रिया