पोखरा । अहिलेसम्म कोरोना भाइरसको संक्रमणले नछोएको पर्वत पनि कोरोना संक्रमित जिल्लाको सूचिमा समावेश भएको छ ।
गण्डकी प्रदेशको पर्वतका ६ जनामा संक्रमण देखिएको गण्डकी स्वास्थ्य विज्ञान प्रतिष्ठानले बिहानै विज्ञप्ति जारी गरेर जानकारी गराएको छ ।
पर्वतको फलेवासस नगरपालिका घर भएका २० र ४० वर्षीय २ पुरुष र महाशिला गाउँपालिका ठेगाना भएका १९, २० र २१ का ३ पुरुषमा कोरोना संक्रमण पुष्टि भएको गण्डकी स्वास्थ्य विज्ञान प्रतिष्ठानका निर्देश्क विनोदविन्दु शर्माले जनाउनुभएको छ ।
पर्वत सदरमुकाम कुस्माको क्वारेन्टिनमा बसिरहेका संक्रमितहरुलाई जिल्ला अस्पतालमा रहेको आइसोलेसनमा लैजाने तयारी भैरहेको छ ।
यस्तै, स्याङ्जामा थप संक्रमित देखिएका छन् । चापाकोट नगरपालिकाका २२, २६, ३२ र ४० वर्षका पुरुषलाई संक्रमण देखिएको छ । उनीहरु सोही नगरपालिकाको क्वारेन्टिनमा बसिरहेका थिए । यस्तै, बिरुवा गाउँपालिका निवासी २० वर्षीय पुरुषलाई पनि कोरोना पुष्टि भएको छ । उनी पनि आफ्नै गाउँपालिकको क्वारेन्टिमा बसिरहेका थिए ।
यससँगै गण्डकी प्रदेशमा ३७ जना कोरोना संक्रमित पुगेको गण्डकी स्वास्थ्य विज्ञान प्रतिष्ठानले जनाएको छ ।
प्रतिक्रिया