काठमाडौं । प्रमुख प्रतिपक्षी दल नेपाली कांग्रेसका सभापति शेरबहादुर देउवाले जेठ २५ भित्र कर तिर्नुपर्ने सरकारी सुचनाको अवज्ञा गर्न उद्योगि ब्यवसायीलाई आग्रह गर्नुभएको छ । उहांले सरकारी ताकेताको ब्यवसायीहरुलाई भद्र अवज्ञा गर्न समेत आग्रह गर्नुभएको छ ।
आन्तरिक राजस्व विभागले जेठ २५ भित्र कर चुक्ता गर्न करदाताहरूलाई आग्रह गरेको मा सभापति देउवाले यस्तो आग्रह गर्नुभएको हो ।
राजश्व बिभागले २५ गते सम्म मुल्य अभिबृद्दी कर, अन्तशुल्क र अग्रीम कर बुझाउन सुचित गर्दै चुक्ता नगरे जरिवाना लाग्ने बताएको थियो । बिभागको सुचनाको देशभरीका व्यवसायीहरूले विरोध गरेका छन् ।
कांग्रेस सभापति देउवाले लकडाउनका कारण समस्यामा परेका व्यवसायीहरुलाई राहत दिनुको सट्टा लकडाउनको समयमा कर तिर्न ताकेता गरेर सरकार नागरिकको पीडाप्रति असंवेदनशील बनेको आरोप लगाउनु भयो ।
अनावश्यक खर्च घटाउन मितव्ययिताका अपनाउन सरकार गम्भीर नभएको बताउंदै देउवाले ब्यवसायीको पीसीआर परीक्षण गरेर व्यवसाय क्रमशः सञ्चालन गर्ने कार्ययोजना नबनाएको भन्दै सरकारको आलोचना गर्नुभएको छ ।
करदाताले प्रतिकूल परिस्थिति भोगिरहेका बेला सरकारले सहजीकरण गर्नुपर्ने भन्दै उहांले सरकारले अनुदार ढंगले ताकेता गर्दा त्यसलाई भद्र अवज्ञा गर्नुभन्दा अर्को विकल्प नरहेको स्पष्ट पार्नुभएको छ ।
कांग्रेस सभापति देउवाले लकडाउनले मुलुकको समग्र क्षेत्रमा परेको असरको समग्र मूल्याङ्कन गर्न र जेठ २५ भित्र कर तिर्न गरिएको ताकेता फिर्ता गर्न समेत सरकारसँग माग गर्नुभएको छ ।
प्रतिक्रिया