काठमाडौं । काठमाडौंको न्यूरोडमा रहेका अधिकांस पसहलरु बिहीबार बिहानदेखि खुलेका छन् ।
सरकारले गत चैत ११ गतेदेखि जारी गरेको लकडाउन लम्बिदै गएपछि पसल व्यवसाय गर्ने व्यवसायीहरुले बिहीबारदेखि पसल खोल्न थालेका हुन् ।
साना उद्योगी तथा व्यवसायीहरुको संगठन नेपाल राष्ट्रिय व्यवसायी महासंघका अध्यक्ष नरेश कटुवालले संगठनको निर्णय अनुसार समाजिक दुरी कायम गर्दै बिहान ८ बजे देखि ११ बजेसम्म पसल सञ्चालन गरिएको बताउनुभयो ।
कुटवालले पसलहरु सञ्चालन गर्दा सरकारले तोकेको मापदण्ड अनुसार सुरक्षा सतर्कता भने अपनाइएको दाबी गर्नुभयो । ‘सरकारलाई कर तिर्न, घरभाडा, बैंकको किस्ता र कर्मचारीको तलब भुक्तानी गर्न समस्या भएकोले पसल खुल्ला परेको हो’ अध्यक्ष कटुवालले भन्नुभयो, लकडाउनका कारण लामो समय सम्म व्यवसाय बन्द हुँदा व्यवसायीहरु समस्यामा परेकाले पसल खोल्न बाध्य भयौं ।’
व्यवसायीहरुले ग्राहकको ज्वरो जाँच गर्ने तथा स्यानिटाइजरले हात धुन लगाएर मात्र पसलमा प्रवेश गराएका छन् ।
बिहीबार न्युरोड, असन, भोटेबहाल लागयतका ठाउँका फेन्सी, ग्रोसरी, इलेक्ट्रोनिक पसलहरु खुलेका छन् ।
प्रतिक्रिया