कोरोना भाइरसका ३३४ संक्रमित थपिए, हालसम्म २,६३४ पुगे

काठमाडौं । पछिल्लो २४ घण्टामा ३३४ कोरोना भाइरसका संक्रमित थपिएका छन् । यससँगै हालसम्म नेपालमा संक्रमित हुनेको संख्या २६३४ पुगेको छ ।

संक्रमित हुनेमा सबैभन्दा धेरै दैलेखका रहेका छन् । सुर्खेत र कर्णाली स्वास्थ्य विज्ञान प्रतिष्ठानमा गरिएको परीक्षणमा दैलेखका ११३ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

राष्ट्रिय जनस्वास्थ्य प्रयोगशालामा गरिएको परीक्षणमा बारा, धनुषा, कपिलवस्तु, महोत्तरी, रौतहट र सर्लाहीका ९३ जना थपिएका छन् ।

विराटनगरस्थित प्रादेशिक जनस्वास्थ्य प्रयोगशालामा गरिएको परीक्षणमा मोरङका १ जना संक्रमित देखिएका छन् भने नारायणी अस्पतालको प्रयोगशालामा पर्साका १ जनामा संक्रमण पुष्टि भएको छ ।