नेपालमा स्वास्थ्य संकटकालको घोषणा गरिँदै

काठमाडौं । सरकारले नेपालमा स्वास्थ्य संकटकालको घोषणा गर्ने तयारी गरेको छ ।

कोभिड–१९ महामारी स्वास्थ्य क्षेत्र आपतकालिन योजना अनुसार संक्रमितको संख्या २ हार नाघेपछि संक्रामक रोग ऐन २०२० र जनस्वास्थ्य सेवा ऐन २०७५ अनुसार जनस्वास्थ्य विपदको अवस्था घोषणा गर्न लागिएको हो ।

संकटकाल घोषणा गर्न मन्त्रिपरिषद्मा प्रस्ताव पठाइएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानाउनुभएको छ । । सम्भवतः आजैको मन्त्रिपरिषद्ले संकटकाल घोषणा गर्ने अपेक्षा गरिएको छ ।

कोरोना भाइरसका संक्रमित २ हजार भन्दा बढी भएमा संकटकाल घोषणा गर्ने तयारी स्वास्थ्य मन्त्रालयले यसअघि नै गरिसकेको थियो । संक्रमितको संख्या २६ सय भन्दा बढी पुगेलगत्तै मन्त्रालयले संकटकाल घोषणाको जानकारी गराएको हो ।