काठमाडौं । पश्चिम रुकुमको चौरजहारी नगरपालिकामा भएको घटनाबारे छानविन गर्न संसदीय समिति गठन भएको छ । सभामुख अग्निप्रसाद सापकोटाले घटनाबारे छानविन गर्न संसदीय समिति गठनको घोषणा गर्नुभएको हो ।
सांसदहरुले केहि दिनयता रुकुम घटनाको निन्दा गर्दै संसदीय समिति गठनको माग गर्दैआएका थिए । सरकारले घटनामा संलग्नहरुलाई छानविन गरी कानुनअनुसार दण्डित गर्ने प्रतिवद्धता जनाइसकेको छ ।
समिति गठनको घोषणा गर्दै सभामुख सापकोटाले भन्नुभयो “रुकुम पश्चिम जिल्लाका चौरजहारी नगरपालिका ८ स्थित सोतीमा मा २०७७ साल जेठ १० गते घटेको घटनाको सम्बन्धमा अघिल्ला बैठकहरुमा पनि कुरा उठेको र आजको बैठकमा पनि मानीय पुष्पा भुसाल गौतमले कुरा उठाउनुभएको छ । त्यसैले यी विषयहरुलाई सम्बोधन गर्न उक्त घटनाको आवश्यक अध्ययन तथा अनुगमन गरी सभामा प्रतिवेदन पेश गर्न प्रतिनिधिसभामा प्रतिनिधित्व गर्ने दलहरुसंग आवश्यक छलफल पश्चात प्रतिनिधिसभा नियमावलि २०७५ को नियम १ सय ७७ बमोजिम संसदीय विशेष समिति गठन गरिने व्यहोरा माननिय सदस्यहरुलाई जानकारी गराउँदछु । ”
अन्तरजातीय प्रेम सम्बन्धको विषयलाई लिएर जेठ १० गते रुकुम पश्चिम चौरजहारीमा भएको घटनामा ६ जनाले ज्यान गुमाएका थिए ।
घटनाको विभिन्न राजनीतिक दल, मानवअधिकार आयोग, संयुक्त राष्ट्र लगायतका विभिन्न संघसंस्थाहरुले निन्दा गर्दै निस्पक्ष छानविनको माग गरेका थिए ।
प्रतिक्रिया