जनता समाजवादी पार्टी (जसपा)को बरियता लफडा टुंगियो, निर्वाचन आयोगमा दर्ता हुँदै

काठमाडौं । एक महिना अघि नै पार्टी एकताको घोषणामा सहमति गर्दै निर्वाचन आयोगलाई जनता समाजवादी पार्टी नेपाल पत्र बुझाएका राष्ट्रिय जनता पार्टी नेपाल राजपा र समाजवादी पार्टी नेपालबीच नेतृत्वको बरियतामा सहमति भएको छ ।

नयाँ पार्टीको मुख्य नेतृत्व महन्थ ठाकुरको हुनेछ । ठाकुरलाई केन्द्रीय परिषद् अध्यक्षसहित पहिलो बरियाता दिइएको छ भने त्यसपछि दोस्रो बरियतामा डा. बाबुराम भट्टराईलाई दिइएको छ । भट्टराईलाई संघीय परिषद्को अध्यक्ष बनाइने भएको छ ।

यस्तै, तेस्रो बरियतामा रहनुभएका उपेन्द्र यादव केन्द्रीय समितिको अध्यक्ष रहनुहुनेछ । निर्वाचन आयोगमा यही बरियता अनुसार केन्द्रीय कमिटीको नाम सहित दर्ता दर्ता हुनेछ । अशोक राई र राजेन्द्र महतो वरिष्ठ नेताको रुपमा क्रमशः चौथो र पाँचौ बरियतामा रहने बताइएको छ ।

जसपाले आजै निर्वाचन आयोग कान्तिपथ पुगेर दल दर्ता गर्न लागेको छ । गत बैशाख १० गते राष्ट्रिय जनता पार्टी र समाजवादी पार्टीबीच पार्टी एकता गर्ने सहमति भएको थियो ।