कर्णालीमा टिप्पर दुर्घटना, ४० भन्दाबढी बेपत्ता

सुर्खेत । कोरोना कहरबाट ज्यान जोगाउन घर फर्किएकाहरुलाई बोकेको टिप्पर कर्णाली नदीमा खसेको छ ।

कालीकोट जिल्लाको राजकोट नगरपालिकाले भारतका विभिन्न ठाउँबाट आएका नागरिकलाई क्वारेन्टाइनमा राख्न दैलेखसँगको सीमा क्षेत्रबाट लैजाँदै गर्दा ना ८ ख ५१३३ नम्बरको टिप्पर आज बिहान कर्णाली नदिमा खसेको हो ।

४ जना हाम फालेर ज्यान जोगाएकाेे र ४० बढी बेपत्ता भएको प्रहरीले जनाएको छ । सीमा क्षेत्रबाट उद्धार गरिएका नेपालीहरुलाई क्वारेन्टाइन स्थलमा लिएर जाँदै गरेको टिप्पर कालिकोटको राजकोट नगरपालिका क्षेत्रमा प्रवेश गरेलगत्तै दुर्घटनामा परेको हो । यात्रुलाई उद्धार गरेर लैजाँदै गरेको टिप्परमा करिब ४५ जना सवार रहेको बुझिएको छ ।