गण्डकीमा ३७ संक्रमित थपिए, प्रदेशमा संक्रमितको संख्या १८८ पुग्यो

पोखरा । गण्डकी प्रदेशमा कोरोना भाइरसका संक्रमित थपिने क्रम जारी छ ।

शुक्रबार बिहान गण्डकी प्रदेशको स्वास्थ्य निर्देशनालयले सार्वजनिक गरेको नयाँ तथ्यांक अनुसार थप ३७ जनामा कोरोना भाइरस संक्रमण पुष्टि भएको छ ।

जसमध्ये, स्याङ्जामा २२, पर्वतमा १३ तथा तनहुँ र पूर्वी नवलपरासीका एक–एक जनामा कोरोना संक्रमिण देखिएको हो ।

यससँगै गण्डकी प्रदेशमा कोरोना संक्रमितको संख्या १८८ पुगेको छ ।