काठमाडौं । नेपालमा सिटामोल सरह सहजै पाइने डेक्सामेथासोन औषधी कोरोना भाइरसका लागि प्रभावकारी देखिएको विश्व स्वास्थ्य संगठन डब्लुएचओले जनाएको छ ।
विश्व स्वास्थ्य संगठन के महानिर्देशक टेड्रोस एदोनहोम गेब्रेयासेसले डेक्सामेथासोनलाई प्रभावकारी औषधी भएको बताएका हुन् । उनका अनुसार यो औषधी एक स्टेरोइड होज जुन कोरोनाका गम्भीर बिरामीमा प्रभावकारी देखिएको छ ।
महानिर्देशक टेड्रोस भन्छन्, ‘डब्लुएचओसँगको साझेदारीमा गरिएको अनुसन्धानमा अक्सिजन आवश्यक बिरामीका लागि डेक्सामेथासोन औषधी प्रयोग गर्दा बिरामी मर्नेको जोखिम कम देखियो ।’
यो औषधीमाथि बेलायतका अनुसन्धानकर्ताहरुले पहिला परीक्षण गरेका थिए । भेन्टिलेटरमा रहेका कोरोना संक्रमितलाई बचाउन यो औषधीको ट्रयाल गर्दा सफलता मिलेपछि डब्लुएचओले चासो देखाएको थियो ।
‘डेक्सामेथासोन औषधि नेपालमा पहिलादेखि नै दम, निमोनिया, मेनेन्जाइटिस र एलर्जीका लागि प्रयोग गरिँदै आएको छ ।
सन् १९६० को दशकदेखि नै यस औषधीलाई दम, जोर्नी दुख्ने रोग, आदिको उपचारमा प्रयोग गरिँदै आएको छ ।
प्रतिक्रिया