काठमाडौैं । कोरोना भाइरसका संक्रमित २४ घण्टामा झन धेरै थपिएका छन् ।
२४ घण्टामा ६७१ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ । जसमध्ये ८० जना महिला र ५९१ जना पुरुष रहेका छन् ।
विराटनगरस्थित प्रादेशिक प्रयोगशालामा गरिउको परीक्षणमा झापाका २ जना र मोरङका १ जना गरी ३ जनामा संक्रमण देखिएको छ ।
सबैभन्दा धेरै राष्ट्रिय जनस्वास्थ्य प्रयोगशाला टेकुमा गरिएको परीक्षणमा अछामका ४२ जना, बैतडीका २५ जना, बाजुराका ४१ जना भक्तपुरका ३ जना, डडेलधुराका ८४ जना, कैलालीका २१ जना कपिलवूतुका १६ जना, काठमाडौंका २ जना, नुवाकोटका २ जना, रौतहटका ३४ जना, रुपन्देहीका २ जना सिन्धुपाल्चोकका १, ललितपुरका १, नवलपरासीका १ र महोत्तरीका १ जना गरी २७६ जनामा संक्रमण पुष्टि भएको छ ।
यसैगरी, शुक्रराज ट्रपिकल सरुवा रोग अस्पताल टेकुमा गरिएको परीक्षणमा सिन्धुलीका १ जनामा संक्रमण देखिएको छ ।
यस्तै, भरतपुर अस्पतालको प्रयोगशालामा गरिएको परीक्षणबाट पवर्तका ५ जना र चितवनका १ जना नवलपरासीका १ जनामा गरी ७ जनामा संक्रमण देखिएको छ ।
यसैगरी, रुपन्देहीस्थित प्रादेशिक प्रयोगशालामा गरिएको परीक्षणबाट गुल्मीका ३ जना, कपिलवस्तुका १ जना, पाल्पाका ६ जना, रुपन्देहीका ९ जना, रोल्पाका १ जना र नवलपरासीका १ जना र रुपन्देहीका ९७ जना गरी ११८ जनामा संक्रमण पुष्टि भएको छ ।
यसैगरी भेरी अस्पतालको प्रयोगशालाबाट बाँकेका ३ जना, बर्दियाका ३ जना, कैलालीका १ जना र दैलेखका १ जना गरी ८ जनामा संक्रमण पुष्टि भएको छ ।
यस्तै दाङस्थित राप्ती स्वास्थ्य विज्ञान प्रतिष्ठानको प्रयोगशालाबाट दाङका ४ जनामा संक्रमण देखिएको छ भने सेती अस्पताल धनढीको प्रयोगशालाबाट अछामका २ जना, बझाङका २ जना, कञ्चनपुरका २ जना, कैलालीका २० जना र डोटीका ५ जना गरी ३१ जनामा संक्रमण पुष्टि भएको छ ।
हालसम्म संक्रमितको संख्या ६१९ महिला र ७ हजार २२९ पुरुषसहित ७ हजार ८४८ जनामा संक्रमण देखिएको छ ।
गत २४ घण्टामा २ जनाको कोरोना भाइरस संक्रमणबाट मृत्यु भएको छ ।
प्रतिक्रिया