१६ चैत्र २०८०, शुक्रबार | March 29, 2024

विदेशी बुहारीलाई ७ वर्षपछि अंगीकृत नागरिकता दिने विधेयकमा काँग्रेसको नोट अफ डिसेन्ट



काठमाडौं । प्रमुख विपक्षी नेपाली कांग्रेसले नेपाली पुरुषसँग बिहे गर्ने विदेशी महिलालाई विहे गरेको सात वर्ष पछि मात्र नागरिकता दिने संसदीय समितिको प्रस्तावमा फरक मत राखेको छ ।

संसदको राज्य व्यवस्था तथा सुशासन समितिमा नागरिकता विधेयकबारे भएको छलफलमा समितिमा काँग्रेसको तर्फबाट रहेका सदस्यहरुले फरक मत दर्ता गरेका हुन् ।

समितिले विदेशी महिलले नेपाली पुरुषसँग विवाह गरेको ७ वर्षपछि मात्र वैवाहिक अंगीकृत नागरिकता दिने प्रस्ताव ल्याएको छ ।

प्रस्तावको पक्षमा उभिने सत्तारुढ नेपाल कम्युनिष्ट पार्टीको सचिवालय बैठकले निर्णय गरिसकेको छ । संसदमा सहज बहुमत रहेको नेकपाले प्रस्ताव अघि बढाउने निर्णय गरेपछि समितिमा सहमतिमा लागि भन्दै दुई वर्षदेखि अड्किएको विधेयक अघि बढ्ने बाटो खुलेको हो ।

तर, प्रमुख प्रतिपक्षी दल काँग्रेसले भने अन्तरिम संविधान अनुसार बनेको वर्तमान कानुन परिवर्तन गर्न नहुने अडान राखेको थियो । संविधानले नै अंगीकृत नागरिकता बहाकलाई निश्चित पोजिशनमा निषेध गरेका कारण थप सात वर्ष पछि मात्र नागरिकता दिनु उचित नहुने काँग्रेसको तर्क रहेको छ ।

राज्य व्यवस्था तथा सुशासन समितिमा रहेका काँग्रेसका सांसदहरु दिलेन्द्रप्रसाद बडु, देवेन्द्रराज कँडेल, डा। डिला संग्रौला पन्त, अमरेशकुमार सिंह, मीना पाण्डे र विनोद चौधरीले विधेयकमा फरक मत दर्ता गराएका हुन् ।

यसअघि आइतबार बिहान बसेको काँग्रेस पदाधिकारी बैठकले विदेशी बुहारीलाई बिहे लगत्तै नागरिकता दिनुपर्छ भन्ने अडान राख्दै सरकारले जवरजस्ती अघि बढाए नोट अफ डिसेन्ट लेख्ने निर्णय गरेको थियो ।

सत्तारुढ नेपाल कम्युनिष्ट पार्टी नेकपाको शनिबार बसेको सचिवालय बैठकले विदेशी बुहारीलाई बिहे गरेर आएको सात वर्ष पछि मात्र वैवाहिक अंगीकृत नागरिकता दिनुपर्ने निर्णय गरेको थियो ।

संसदमा सहज बहुमतमा रहेको नेकपाले दुई वर्षदेखि विवादित नागरिकता विधेयक पारित नहुँदा नागरिकता प्राप्तिका अन्य समस्या समेत देखिएको भन्दै अघि बढाउने निर्णय गरेको थियो । तर, अन्तरिम संविधान अनुसार हाल कायम रहेको तत्कालै बिहेपछि तत्कालै नागरिकता प्राप्त गर्ने कानुन भने परिवर्तन गर्ने निर्णय गरेको थियो ।

अंगीकृत नागरिकता प्राप्त गर्न विदेशी बुहारीले ७ वर्ष कुर्नुपर्ने नेकपाको निर्णयप्रति मधेश केन्द्रित दल जनता समाजवादी पार्टीले पनि आपत्ति जनाएको छ ।

यस्तै, नेकपाकै सांसद प्रभु साहले पनि भारतसँगको रोटीबेटीको सम्बन्धमा असर गर्ने भन्दै निर्णयमा पुनर्विचार गर्न नेतृत्वलाई आग्रह गरेका छन् ।

प्रकाशित मिति : ७ असार २०७७, आइतबार  २ : ५२ बजे

कपनबाट पेस्तोलसहित एकजना पक्राउ

काठमाडौं । नेपाल प्रहरीले कपन क्षेत्रबाट पेस्तोलसहित एकजनालाई पक्राउ गरेको

भारतमा ट्याक्सी दुर्घटना हुँदा दशको मृत्यु

भारत । भारतको जम्मु र श्रीनगर राष्ट्रिय राजमार्गमा पर्ने गहिरो

राष्ट्रपति पौडेलद्वारा अनुगमन तथा मुल्यांकन विधेयक प्रमाणीकरण

काठमाडौं । राष्ट्रपति रामचन्द्र पौडेलले अनुगमन तथा मुल्यांकन गर्न बनेको

आयरल्याण्ड वोल्भ्सले नेपाल ‘ए’ लाई दियो २२३ रनको लक्ष्य

काठमाडौं । आयरल्याण्ड वोल्भ्सले नेपाल ‘ए’ लाई २२३ रनको लक्ष्य

आगामी नीति तथा कार्यक्रम र बजेट जनमुखी हुन्छ : प्रधानमन्त्री प्रचण्ड

हेटौंडा । प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षको नीति