बुटवल । स्थायी समिति, सचिवालय र सञ्चार माध्यममा सिमित रहेको नेपाल कम्युनिष्ट पार्टी [नेकपा]को विबाद अव सडकमा पुगेको छ । आज नेकपा अध्यक्ष एवं प्रधानमन्त्री केपी ओली समर्थकहरुले सडकमा उत्रिएर पार्टी भित्रका केपी ओली ईतरका नेताहरु बिरुद्ध नारा लगाएका छन् ।
मदन स्पोर्टस एकेडेमिको ब्यानरमा बुटवलको सडकमा उत्रिएका केपी समर्थकहरुले पार्टीका अन्य नेताहरुले केपी ओलीको लोक प्रियता सहन नसकेको आरोप लगाए । उनीहरुले राष्ट्रियता बलियो बनाउंदै गुमेको भुमि फर्काउने अभियान अगाडी बढेको बेला सरकार ढाल्ने खेल खेलेर पार्टीका नेताहरुले बिदेश भक्ति देखाएको आरोप लगाए ।
ओली समर्थकले केपी सरकारको पालाृमा सरकारी कार्यालयमा भ्रस्टाचार कम भएको दाबी गर्दै केपी ओलीलाई सरकारबाट हटाउन चाहने नेताहरुले भ्रस्टाचारलाई संस्थागत गर्न चाहेको आरोप लगाए । उनीहरुले पार्टी नेताहरुले सरकार ढाल्ने प्रयत्न गरे प्रतिकारमा उत्रने उदघोष समेत गरे ।
कार्यक्रममा बोल्दै मदन भण्डारी स्पोर्टस एकेडेमिका प्रदेश ५ अध्यक्ष नरबहादुर घर्तीले स्थायी समिति र सचिवालयको काम सरकार ढाल्ने नभएको बताउंदै महाधिवेशनले बनाएको अध्यक्ष महाधिवेशनलेमात्र फेर्न सक्ने जिकिर गरे । सरकार फेर्ने नेताहरुले राष्ट्रियता बिदेशीलाई सुम्पन खोजेको आरोप लगाउंदै उनले बिगतमा पार्टी चलाउंदा पार्टीलाई सिढ्याउनेहरुलाई सरकार ढाल्ने अधिकार नभएको बताए ।
ओली समर्थकहरुले बुटवलको मिलनचौकबाट सुरु गरेको प्रदर्शन ट्राफिक चौकमा पुगेर कोणसभामा परिणत भएको थियो ।
प्रतिक्रिया