काठमाडौं । नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीचको वार्ता सुरु भएको छ ।
आन्तरिक विवाद समाधानका लागि अध्यक्षद्वयबीच प्रधानमन्त्री निवास बालुवाटारमा वार्ता सुरु भएको हो ।
प्रधानमन्त्री ओलीले आफ्नै पार्टीका नेताहरुलाई भारतसँग मिलेको आरोप लगाउनुभएपछि विवाद उत्कर्षमा पुगेको थियो । पार्टी विभाजनको अवस्थासम्म पुग्न नदिनका लागि दुवै अध्यक्षले अहिले छलफल थालेका हुन् । शुक्रबार दिउँसो बालुवाटारमा झण्डै तीन घन्टासम्म चलेको वार्तामा दुवै पक्षले आ-आफ्नै अडान राखेका थिए ।
हिजो प्रधानमन्त्री ओलीको आग्रहमा स्थायी कमिटी बैठक भोलिसम्मका लागि स्थगित गरिएको थियो । तर हिजो हुने भनिएको वार्ता भने प्रधानमन्त्री ओलीले अन्य परामर्श भन्दै स्थगित गरेका थिए । छलफल सहमतितर्फ उन्मुख भएमा स्थायी कमिटी बैठक केहीदिन स्थगित गरेर सहमति कायम गर्ने प्रयास गर्न दोस्रो तहका नेताहरुले शिर्ष नेताहरुलाई आग्रह गरेका छन् । विवाद समाधानमा प्रगति नभएमा दुवै पक्षले आआफ्नो रणनीति हनुसार तयारी गर्नेछन् ।
आजको वार्तामा दुबै अध्यक्ष हरुले साछीकारुपमा २, २ जना आफु निकटका नेताहरुलाई सहभागि गराएका छन् । ओल्लिे महासचिव बिष्णु पौडेल र शंकर पोखरेल तथा प्रचण्डले जनार्दन शर्मा र वर्षमान पुनलाई छलफलमा सहभागि गराईएको छ ।
पार्टी बैठक चलिरहेका समयमा प्रधानमन्त्री समेत रहनुभएका अध्यक्ष ओलीले अचानक संसद बैठक अन्त्यका लागि सिफारिस गर्नुभएको थियो । त्यसपछि दुवै अध्यक्षले आआफ्नो टोलीमा पनि परामर्श तिब्र पारेका छन् ।
यहीँबीचमा हिजो राष्ट्रपति विद्यादेवी भण्डारीसँग भेटवार्ता गर्नुभएको प्रधानमन्त्री ओलीले मन्त्रीहरुलाई आफू र राष्ट्रपतिविरुद्ध षड्यन्त्र भएको बताउनुभएको थियो । दुई अध्यक्ष बिच वर्ता सुरुहुनु अघि प्रचण्ड सहित बरिष्ठ नेता झलनाथ खनाल र माधव नेपाल राष्ट्रपति बिद्यादेवी भण्डारी भेटन सितल निवास पुगेका थिए ।
प्रतिक्रिया