यतिबेला विश्वव्यापी रुपमा कोरोना भाइरसको महामारी फैलिएको छ । भाइरस विरुद्ध अहिलेसम्म कुनै खोप या औषधी पत्ता नलागेका कारण विश्व स्वास्थ्य संगठनले लगातार विश्वभरका मानिसहरुलाई सामाजिक दूरी कायम गरेर आफै सचेत बन्न सचेत गराइरहेको छ ।
यतिबेला कोरोनाबाट वच्न सक्ने सबैभन्दा पहिलो उपाय भनेको व्यक्ति स्वयंको सचेतता नै हो । तर, यति भन्दा भन्दै मानिसको आम दैनिकी चलाउनैका लागि पनि हिँडडुल नगरी सुखै छैन ।
बिहान उठेदेखि राति सुत्नेबेलासम्म घरबाहिर कुनै न कुनै कारणबाट परिवारका कोही न कोही सदस्य निस्कनै पर्ने बाध्यता छ । भान्छा चलाउनकै लागि परिवारबाहेक दोस्रो व्यक्तिसँगको सम्पर्कमा पुग्नैपर्ने बाध्यता छ । तर, यसलाई पनि सचेत बने भाइरसको संक्रमणबाट जोगिन सक्ने उपायबारे जानकारहरुले आम मानिसलाई सचेत बनाइरहेकै छन् ।
आज हामी भान्सामा दैनिक उपयोग गर्नैपर्ने तरकारी फलफूल बजारबाट ल्याइसकेपछि कसरी सुरक्षित बनाउने भन्नेबारेमा केहि टिप्स दिन चाहन्छौं ।
फलफूल र तरकारीको कसरी सफाई गर्ने ?
* बजारबाट ल्याउने तरकारी र फलफूललाई घरको अलग्गै ठाउँमा झोलामै केहीबेर राखिरहने
* फलफूल र तरकारीलाई सावधानीपूर्वक मनतातो पानीले पखाल्ने
* अथवा ५० पीपीएम क्लोरिन हालेर पानीमा तरकारी र फलफूलाई डुबाउने तर, यो गर्दैगर्दा पानी चाहिँ पिउन योग्य स्वच्छ पानी नै हुनुपर्छ नि
* फलफूल र तरकारी धुनका लागि कुनै किटाणुनाशक या साबुनको प्रयोग गर्दै नगर्ने
* सफाई गरिसकेपछि जुन तरकारी फलफूललाई रेफ्रिजेरेटरमा राख्नुपर्ने आवश्यकता पर्छ, त्यसलाई रेफ्रिजेरेटरमा राख्ने, अरु तरकारी फलफूललाई खुला स्थानमा बास्केट या याकमा राख्ने
प्रतिक्रिया