संसदको अर्थ समितिले दियो बैंकलाई ब्रोकर लाइसेन्स दिने अनुमति

काठमाडौं। संसदको अर्थ समितिले बैंकलाई  ब्रोकर लाइसेन्स  दिन सिफारिस गर्ने भएको छ।
यस अघि सरकारले गठन गरेको  उच्च स्तरीय समितिले बैंकलाई ब्रोकर लाइसेन्स दिन सिफारिस गरे पनि संसदीय समितिलाई प्रयोग गरेर बैंकलाई ब्रोकर लाइसेन्स रोकिएको थियो।

त्यसपछि राष्ट्र बैंक र धितोपत्र बोर्डले लाइसेन्सका दिनका लागि प्रकृया अगाडि बढाएका थिए। संसदको अर्थ समितिले नेकपाकी सांसद रामकुमारी झाँक्रीको नेतृत्वमा रामबाबु यादव,प्रमिला राई, हेमकुमार राई र मेटमणि चौधरी सदस्य रहेको उपसमिति गठन गरी अध्ययन प्रतिवेदन तयार गरेको थियो ।

यस अघि नेपाल राष्ट बैंकले चालु आर्थिक वर्षको मौद्रिक नीति मार्फत नै वाणिज्य बैंकलाई शेयर कारोबार गर्न बाटो खोलिदिएको थियो । त्यही नीतिमा टेकेर राष्ट्र बैकले १९ वटा वाणिज्य बैंकलाई ब्रोकर सेवा प्रदान गर्न स्वीकृति दिएको थियो ।