पोखरा । कोरोना रोकथामका लागि विभिन्न प्रदेश सरकारलाई सहयोग गर्दै आएको ग्लोबल आईएमई बैंकले बिहीबार गण्डकी प्रदेश सरकारलाई १० लाख रुपैयाँ सहयोग गरेको छ ।
बिहीबार पोखरामा एक कार्यक्रमकाबीच बैंकका गण्डकी प्रादेशिक कार्यालय प्रमुख महेश सिलवालले गण्डकी प्रदेशका मुख्यमन्त्री पृथ्वी सुब्बा गुरुङलाई १० लाख रकमको चेक हस्तान्तरण गरेका हुन् ।
त्यसअवसरमा प्रदेशका मुख्यमन्त्री गुरुङले कोराना रोकथाम तथा नियन्त्रणका लागि सहयोग प्रदान गरेकोमा बैंकलाई धन्यवाद दिए ।
कोभिड – १९ ले आम विश्व समुदायलाई त्रसित बनाइरहेको अवस्थामा नेपाल र नेपाली उच्च जोखिममा रहेको यस घडीमा यस योगदानबाट यो भाईरस विरुद्व लड्न थप प्रेरणा र सहयोग हुने विश्वास बैंकले लिएकोे छ ।
बैंकले स्थापनाकालदेखि नै दैवी तथा अन्य विपत्तीको अवस्थामा आफ्नो सामाजिक उत्तरदायित्वलाई प्राथमिकतामा राखेर विभिन्न कार्यहरुमा सहयोग गर्दै आएको छ । आगामी दिनमा समेत यस्तो सहयोग लाई निरन्तरता दिने बैंकले प्रतिबद्धता जनाएको छ ।
प्रतिक्रिया