काठमाडौं । नेपाल आयल निगमले १० दिनभित्र फेरि पेट्रोलियम पदार्थको मूल्यवृद्धि गरेको छ ।
निगम सञ्चालक समितिको शुक्रबार बसेको बैठकले पेट्रोल, डिजेल र मट्टितेलमा एक एकका दरले मूल्यवृद्धि गर्ने निर्णय गरेको हो ।
नयाँ मूल्यानुसार अब काठमाडौंमा पेट्रोल प्रतिलिटर १०२ रूपैयाँ तथा डिजेल र मट्टीतेल प्रतिलिटर ८८रूपैयाँ मा बिक्रीवितरण हुनेछ ।
पेट्रोलियम पदार्थको मूल्यमा वृद्धि भए तापनि खाना पकाउने एलपी ग्यासको मूल्य भने यथावत् रहेको निगमका प्रवक्ता विनितमणि उपाध्यायले जानकारी दिए ।
वृद्धि भएको मूल्य शुक्रबार राति १२ बजेदेखि लागू हुने बताइएको छ ।
प्रतिक्रिया