काठमाडौ । नक्कली बिरामी बनाएर यात्रु बोक्ने एम्बुलेन्स चालक पक्राउ परेका छन् । पक्राउ पर्नेमा सर्लाहीका ३५ वर्षका जुगतलाल महतो रहेको प्रहरीले जनाएको छ ।
बा५च ८६३८ नम्बरको एम्बुलेन्समा काठमाडौ उपत्यका प्रवेशका क्रममा नक्कली बिरामी बनाएर यात्रु बोक्ने क्रममा महतो परेका हुन ।
महतोले सर्लाहीबाट यात्रुलाई काठमाडौसम्म लगिदिने सर्तमा रु १४ हजार भाडा लिएको खुलेको प्रहरीले जनाएको छ ।
महतोलाई मुलुकी अपराध संहिता–२०७४ को परिच्छेद–५ सार्वजनिक हित, स्वास्थ्य, सुरक्षा, सुविधा नैतिकताविरुद्धको कसुरअन्तर्गत दफा ११८ अभद्र व्यवहार गर्न नहुने कसुर शीर्षकमा मुद्दा दर्ता भई आजै जिल्ला प्रशासन कार्यालयबाट म्याद थप भई हिरासतमा राखेर थप अनुसन्धान भइरहको प्रहरीले जनाएको छ ।
प्रतिक्रिया