नेपाली सेनाका प्रवक्ता सहायक रथी विज्ञान देव पाण्डेले नेपाली सेनाको जनसम्पर्क तथा सूचना निर्देशनालयका निर्देशक एवं नेपाली सेनाको प्रवक्ताको जिम्मेवारीबाट बिदा लिएका छन् ।
झण्डै १५ महिना सेनाको प्रवक्ताको जिम्मेवारी निभाएका पाण्डेले आजबाट सहायक रथी सन्तोष बल्लभ पौडेललाई प्रवक्ताको जिम्मेवारी हस्तान्तरण गरेकाछन् ।
२०७५ चैत्र २९ गतेबाट सैनिक प्रवक्ताको कार्यभार सम्हालेका सहायक रथी पाण्डेले आफ्नो कार्यकालमा सहयोगी भूमिका निभाउने आम सञ्चारमाध्यमहरुमा कार्यरत पत्रकार तथा संवाददाताहरुमा हार्दिक आभार प्रकट गरेका छन् ।
उनले राज्यको चौथो अंगका रुपमा रहेको प्रेस जगतको निष्पक्ष र वस्तुगत रिपोर्टिङ्गले नेपाली सेनालाई आफ्नो कर्तव्यपथमा निर्भिक र जिम्मेवार भएर अघि बढ्न सहयोग प्राप्त भएकोमा सम्पूर्ण प्रेस जगतलाई धन्यवाद ज्ञापन गरेका छन् ।
प्रतिक्रिया