मौद्रिक नीतिपछिको सेयर बजारमा उछाल, बजारमा तीन पटक सर्किट ब्रेक, कारोबार बन्द

काठमाडौं । मौद्रिक नीतिपछिको सेयर बजारमा उछाल आएको छ । आइतबार बजार खुलेको डेढ घण्टा नबित्दै तीनपटक सर्किट लागेर बजार बन्द भएको छ ।

बजार खुलेको ६ मिनेटमा पहिलो सर्किट ब्रेक लागेर २० मिनेटको लागि कारोबार स्थगित भएको थियो। त्यसपछि खुलेको बजार एक मिनेटमा नै थप १ प्रतिशत बढे पनि ११ः२७ मा दोस्रो सर्किट लागेको छ।

दोस्रो सर्किटसँगै कारोबार ४० मिनेटको लागि स्थगित भएको छ यस्तै ४० मिनेटपछि खुलेको बजार ३ मिनेटमै ६ प्रतिशत बढेर तेस्रो सर्किट लागेपछि आजको कारोबार बन्द भएको छ ।

आइतबारको बजारमा लगानीकर्ता बैंकिङ समूहमा झुम्मिएका छन् । ०७७/७८को मौद्रिक नीति सेयरबजारप्रति सकारात्मक भएकोले बजार बढेको विश्लेषक बताउछन ।