बुटवल । हिजो केहिबेर सुचारु भएर अवरुद्ध रहेको सिद्धार्थ राजमार्गको बुटवल पाल्पा सडक खण्ड मंगलबार ४ः३० बजेबाट सुचारु भएको छ । आज दिनभरीको प्रयास पछि मध्यान्हबाट सो सडक एक तर्फी खुलेको हो ।
रातभरको अविरल वर्षाका कारण राजमार्गको बुटवल पाल्पा खण्डको दर्जनौं स्थानमा पहिरो खस्दा राजमार्ग अवरुद्ध भएको थियो । शुक्रबार देखि अवरुद्ध सडक सोमबार केहिबेर संचालन भएपनि सोमबार रातीबाट पुनः अवरुद्ध भएको थियो । आज दिनभरीको प्रयासबाट अपरान्ह ४ः३० बजे सडक सुचारु भएको प्रदेश ५ ट्राफिक प्रहरी कार्यालय बुटवलले जनाएको छ ।
पाल्पा जिल्ला अन्तर्गत सिद्धार्थ राजमार्गको सिद्धबाबा, हेडबक्स, नागमन्दिर, पैठेडाँडा, दोभान, झुम्सा, चर्चरे, कालीमाटी, गौडेपुल लगायत दर्जन बढी स्थानमा पहिरो खसेको थियो ।
प्रदेश ५ ट्राफिक प्रहरी कार्यालय बुटवलले राजमार्ग एक तर्फी सुचारु भएपनि दुई तर्फी खुलाउन अझै प्रयास जारी रहेको जानकारी दिएको छ । आज बिहानैदेखि प्रहरीले सडक डिभिजनको समन्वयमा पहिरो खुलाउने प्रयास गरेको थियो ।
प्रतिक्रिया