बुटवल । प्रतिनिधिसभा सदस्य निर्वाचन अन्तर्गत रुपन्देही निर्वाचन क्षेत्र नम्बर १ मा जारी मतगणनामा राष्ट्रिय स्वतन्त्र पार्टीका उम्मेदवार (रास्वपा) सुनिल लम्सालले फराकिलो अग्रता कायम गरेका छन् ।
पछिल्लो मतपरिणाम अनुसार हालसम्म १२ हजार ५५२ मत गणना हुँदा लम्सालले ५ हजार ७६८ मत प्राप्त गरेका छन् ।
त्यसैगरी राष्ट्रिय प्रजातन्त्र पार्टी (राप्रपा)का उम्मेदवार प्रज्जल बोहराले २ हजार २२५ मत प्राप्त गर्दै दोस्रो स्थानमा रहेका छन् ।
यस्तै नेकपा एमालेका उम्मेदवार दधिराम न्यौपानेले ६१५ मत प्राप्त गरेका छन् भने नेपाली कांग्रेसका उम्मेदवार हिरा केसी ले १ हजार ३६५ मत प्राप्त गरेका छन् ।
रुपन्देही-१ मा मतगणना जारी रहेको र थप परिणाम क्रमशः सार्वजनिक हुँदै जाने निर्वाचन अधिकृतको कार्यालयले जनाएको छ ।
प्रतिक्रिया