काठमाडौं । सरकारले साउन १५ गतेदेखि होटल–रेस्टुरेन्ट खोल्न दिने निर्णय गरेको छ ।
सञ्चार तथा सूचना प्रविधि र अर्थमन्त्री डा. युवराज खतिवडाले मन्त्रिपरिषद्का निर्णय सार्वजनिक गर्दै होटल रेष्टुरेन्ट संचालन गर्ने दिने निर्णय भएको जानकारी गराएका हुन् ।
तर, सामुहिक रुपमा गरिने भोज भतेर, पार्टी सेमिनार जस्ता गतिविधि भने होटल रेष्टुरेन्टमा गर्न पाइनेछैन ।
यस्तै भदौ १ देखि विद्यालयमा विद्यार्थी भर्ना अभियान थाल्ने निर्णय पनि सरकारले गरेको छ । यसैगरी परीक्षाका कार्यक्रम र शैक्षिक गतिविधि सुरु गर्ने निर्णय पनि सरकारले गरेको छ ।
यस्तै सरकारले अन्तरजिल्ला यातायात सञ्चालन गर्ने निर्णय गरेको छ । भदौ १ गतेबाट अन्तरजिल्ला यातायात संचालन गर्ने निर्णय भएको खतिवडाले जानकारी दिएका छन् ।
यस्तै, ट्रेकिङ र ट्राभल व्यवसाय पनि खोल्न दिने निर्णय पनि सरकारले गरेको छ ।
कोरोना भाइरसको महामारी रोक्न भन्दै गत चैत्र ११ गतेदेखि सरकारले लगाएको लकडाउन अब अन्त्य भएको पनि मन्त्री खतिवडाले बताए ।
यसैगरी, हालै आएको बाढी पहिरोमा परि घाइते भएकाहरुको उपचारको व्यवस्था सरकारले गर्नेभएकोछ । मृतकका परिवार, घाइते र अशक्तलाई यथोचित राहतको व्यवस्था पनि गर्ने निर्णय भएको खतिवडाले जानकारी दिए ।
प्रतिक्रिया