काठमाडौं । कोरोना भाइरसको संक्रमणबाट नेपालमा एक जना विदेशी नागरिकको मृत्यु भएको छ ।
पोखरामा बस्दै आएकी चिनियाँ ४९ वर्षीया चिनियाँ महिलाको कोरोनाबाट आज बिहान मृत्यु भएको पुष्टि भएको छ ।
स्वास्थ्यमा गम्भीर समस्या देखिएपछि हेलिकोप्टरमार्फत पोखराबाट काठमाडौंको ग्राण्डी अस्पताल ल्याइएकी ती महिलालाई कोरोना संक्रमण भएको पुष्टि भएपछि त्रिवि शिक्षण अस्पतालमा रिफर गरिएको थियो । उपचारको क्रममा उनको त्यही मृत्यु भएको अस्पताल स्रोतले जनाएको छ ।
उनको मृत्युबारे अस्पताल र स्वास्थ्य मन्त्रालयले भने औपचारिक पुष्टि गरिसकेको छैन । कोरोनाका कारण नेपालमा विदेशी नागरिकको मृत्यु भएको यो नै पहिलो घटना हो ।
गएराति महोत्तरीका एक जना पुरुषको धरानस्थित बीपी प्रतिष्ठानमा मृत्यु भएको थियो । यससँगै नेपालमा कोरोना भाइरसबाट मृत्यु हुनेको संख्या ४१ पुगेको छ ।
प्रतिक्रिया