पोखरा । ‘कोभिड –१९’ कोरोना भाईरसको कहरका कारण नेपालमै रहेका बाह्य पर्यटकहरु यही सुरक्षित रहेको बताएका छन् ।
पोखरामा सोमबार पत्रकार सम्मेलनको आयोजना गर्दै उनीहरुलाई नेपाल सरकारले भदौ १ पश्चात आफ्नो देश फर्किन आदेश गरे पनि नेपालमै सुरक्षित रहेको बताएका हुन् ।
पोखरामा रहेका करिब १०० बढि पर्यटकहरुको प्रतिनिधित्व गर्दै उनीहरुले पत्रकार सम्मेलनमार्फत आफ्ना कुराहरु राखेको बताउदै सरकारले सोही अनुरुपको व्यवस्था गर्ने अपेक्षा गरेका हुन् ।
पत्रकार सम्मेलनमा बोल्दै कोअर्डिनेटर अमेरिकाकी राक्सीले आफ्नो देशमा भन्दा नेपालमै सुरक्षित रहेको बताईन् । उनले अमेरिकामा भयाभह रहेको मध्येको प्रान्तमा आफ्नो घर रहेको बताउदै नेपाल सरकारले फर्कन आदेश गरेपनि जान नचाहेको बताईन् ।
राक्सीले नेपालाई दोस्रो देशको रुपमा लिने बताउदै यहाँको कल्चर र नेचरसँग नजिक भएको बताईन् । उनले नेपाल भ्रमण पहिलो पटक भएपनि नेपाल सरकार र नेपाली दयालु तथा सहयोगी रहेकालेले नेपाललाई दोस्रो राष्ट्रको रुपमा दिएको प्रष्ट पारिन् ।
त्यस्तै अर्की अमेरिकी नागरिक एन्नीले नेपालमै अहिलेको अवस्थामा नेपालमै बस्न चाहेको धारणा राखिन् । उनले आफ्नो मुलुक फर्किई क्वारेन्टिनमा बस्नको लागि बढि शुल्क लाग्ने तर्क दिदै नेपालमै सुरक्षित रहेकोले आफ्नो देश फर्किन नचाहेको बताईन् ।
पत्रकार सम्मेलनमा उपस्थित विभिन्न मुलुकका प्रतिनिधिहरुले आ–आफ्नो मुलुकमा भन्दा नेपालमै सुरक्षित रहेकोले घर फर्किन नचाहेको बताएका थिए ।
पोखरामा आफ्नो देशमा फर्कन नचाहेको विभिन्न ४० मुलुकका १०० बढि पर्यटक रहेका छन् । उनीहरुले नेपाल सरकारले आफ्नो देश फर्कन आदेश दिएको १५ दिन भित्रमा नेपाल छाडिसक्नुपर्नेछ ।
प्रतिक्रिया