बुटवल । सिद्धार्थ राजमार्गको बुटवल पाल्पा सडक खण्ड आज पनि अवरुद्ध भएको छ । राजमार्ग अन्तर्गत तानसेन नगरपालिका ८ गौडेपुल नजिक डुम्रे र तिनाउ ३ माथिल्लो सिद्धबाबा स्थित सिद्धार्थ राजमार्ग बुटवल पाल्पा सडक खण्डमा माथिबाट पहिरो खसेपछि सडक पूर्ण रुपमा अवरुद्ध भएको हो ।
गौडेपुल नजिक डुम्रेमा मंगलवार विहान सवा ५ वजे र सिद्धबाबामा सवा ७ वजे पहिरो खसेर सडक अवरुद्ध भएको ५ नम्बर ट्राफिक प्रहरी कार्यालय बुटवलले जनाएको छ ।
पहिरो नहटे सम्मको लागि सो सडकमा पैदल यात्रा तथा सवारी आवागमन नगर्न समेत ट्राफिक प्रहरीले अनुरोध गरेको छ ।
ट्राफिक प्रहरीका अनुसार आजै जिल्ला पाल्पा बग्नासकाली ४ सेरा स्थित सिद्धार्थ राजमार्ग पाल्पा पोखरा सडक खण्डमा समेत पहिरो गएर सडक बन्द भएको छ । विहान पौने ८ वजेको समयमा पहिरो झरेको प्रहरीले बताएको छ ।
प्रतिक्रिया