ललितपुर । भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले देशभरका भूमिहिन, सुकुम्बासीलाई जमिनको मालिक बनाउने महत्वपूर्ण जिम्मेवारी सरकारको भएको बताएकी छिन् ।
आयोगका पदाधिकारी तथा केही सांसदहरुसँग मन्त्रालयले गरेको छलफलमा बोल्दै मन्त्री अर्यालले आयोगलाई छिटो काम अगाडि बढाउन निर्देशन दिईन् ।
आइतबार ललितपुरमा गरिएको छलफलमा मन्त्री अर्यालले आयोग गठन भएदेखि हालसम्म भएका कामको प्रगतिका बारेमा जानकारी लिएकी थिईन् ।
मन्त्री अर्यालले जुन उद्देश्यका साथ आयोग गठन भएको हो, त्यसैअनुसार छिटोभन्दा छिटो काम अगाडी बढाउन निर्देशन दिएकी थिईन् ।
उनले समयमै आफ्नो काम सम्पन्न गर्ने गरी अगाडि बढ्न आवश्यक रहेको भन्दै महत्वपुर्ण कार्य सबैले मिलेर सम्पन्न गर्नुपर्ने बताईन् ।
त्यस अवसरमा बोल्दै भूमि सम्बन्धी समस्या समाधान आयोगका अध्यक्ष देवी ज्ञवालीले सबै मिलेर भूमिहिन, सुकुम्बासीको समस्या समाधान गर्ने कार्यमा सरकार, सरोकारवाला सबै मिलेर अगाडी बढ्नुपर्नेमा जोड दिए ।
प्रतिक्रिया