देवदह । रुपन्देहीको देवदहमा रहेको बैंकका एक कर्मचारीलाई कोरोना भाइरसको संक्रमण भएको छ ।
देवदहको खैरेनीमा रहेको गरिमा विकास बैंकका एक कर्मचारीमा आज कोरोना भाइरसको संक्रमण पुष्टि भएको हो ।
बैकमा कार्यरत उनलाइ केहीदिन अगाडि देखि ज्वरो आएको, खोकी लागेकोले लुम्विनी प्रादेशिक अस्पतालमा परिक्षण गर्दा कोरोना पोजेटिभ भेटिएको लुम्बिनी प्रादेशिक अस्पतालका प्रवक्ता डा. बिष्णु गौतमले जानकारी दिए ।
कोरोना भाइरसको संक्रमण भएको खबर आउने बित्तिकै बैंकलाई सिल गरिएको देवदह नगरपालिकाका उप प्रमुख विद्या लक्ष्मी गुरुङले बताइन ।
कोरोना भाइरसको संक्रमण देखिएपछि बैंकका सबै कर्मचारीको पिसिआर टेष्ट गरिने गुरुङले बताइन ।
त्यसका लागि अहिले देवदह नगरपालिकाको कार्यपालिकाको बैठक बसिरहेको छ । बैकमा कार्यरत सम्पूर्ण कर्मचारीहरुलाई क्वारेन्टिनमा राख्ने तयारी भईरहेको छ ।
प्रतिक्रिया