२० आश्विन २०७९, बिहिबार | October 6, 2022

कोरोना संक्रमण समुदायबाट समूह समूहमा फैलिन थाल्यो



काठमाडौं । कोरोना भाइरस संक्रमण समुदायबाट समूह समूहमा फैलिन थालेको छ । पछिल्ला केही दिनयता संक्रमण समूहसमूहमा देखिँदै गएपछि यसको जोखिम पनि सोही रूपमा बढ्न थालेको हो ।

पछिल्लो २४ घण्टायता थप ५ जनाको कोरोना संक्रमणका कारण मृत्यु भएको छ । जनस्वास्थ्य विज्ञहरूले संक्रमण तीव्र रूपमा फैलिएको भन्दै सचेत र सतर्क रहन आग्रह गरेका छन् ।

सरुवा रोग विशेषज्ञ डा. शेरबहादुर पुनले संक्रमण तीव्र रूपमा फैलिएको भन्दै कोरोना जोखिम बिस्तारै समुदायमा प्रवेश गरिसकेको बताए । उनले भने, ‘अन्तरजिल्लामा आवतजावत पूर्णतः बन्द गर्नुपर्छ । भारतबाट नेपाल आउन रोक लगाउनुपर्छ ।’

संक्रमणको उद्गम मानिएको चीनको वुहानबाट नेपाल फर्किएका चिकित्सक तथा अनुसन्धानकर्ता डा. रमेश आचार्यले संक्रमण समुदायबाट समूह समूहमा फैलिन सुरु गरिसकेको बताए । उनले भने, ‘समुदायबाट समूह समूहमा संक्रमण फैलिसकेको छ । समयमा नियन्त्रण गर्न नसकिए स्थिति अझै भयावह भई गम्भीर क्षति बेहोर्नुपर्ने हुन सक्छ ।’

जनस्वास्थ्य विज्ञहरूले हेलचेक्र्याइँ गरिए स्थिति अनियन्त्रित हुन सक्ने भन्दै सावधानी अपनाउनुको विकल्प नरहेको बताएका छन् । तर, स्वास्थ्य तथा जनसंख्या मन्त्रालयले भने संक्रमण अझै समूह समूहमा फैलिनसकेको बताएको छ ।

काठमाडौंभित्र प्रहरी प्रधान कार्यालय नक्सालमा कार्यरत ७२ जना र अख्तियार दुरुपयोग अनुसन्धान आयोग टंगालमा कार्यरत १६ जनामा संक्रमण देखिएको छ ।

यस्तै, सिंहदरबारको ट्राफिक व्यवस्थापनमा खटिएका २ सुरक्षाकर्मीमा पनि कोरोना संक्रमण पुष्टि भएको छ ।

सरुवा रोग विशेषज्ञ डा. पुनले आत्मानुशासन नै कोरोनाबाट बच्ने उत्तम विकल्प रहेको बताए । उनले लकडाउन कोरोना नियन्त्रणको अन्तिम विकल्प नभएको भन्दै स्वयं व्यक्ति सजग रहनुपर्ने बताए ।

यसैबीच सरकारले लकडाउन हटाए पनि सीमानाका कडाइ गर्न नसकेको र हेलचेक्र्याइँ गरे स्थिति अनियन्त्रित हुन सक्ने भन्दै सावधानी अपनाउनुको विकल्प नरहेको बताएका छन् ।

यसैबीच सरकारले लकडाउन हटाए पनि सीमानाका कडाइ गर्न सकेको छैन । काठमाडौं उपत्यकामा दैनिक ६ हजार नागरिक भित्रिए पनि उनीहरूको आरटी-पीसीआर प्रविधिबाट कोरोना परीक्षण गरिएको छैन । नागरिकले मास्क लगाउने, सेनिटाइजर प्रयोग, दूरी कायम लगायतमाहेलचेक्र्याइँ गर्दै आएका छन् ।

पछिल्लो २४ घण्टामा कोरोना भाइरस संक्रमणबाट नेपालमा थप पाँच जनाको मृत्यु भएको छ । पर्सा र मोरङमा दुई/दुई जना र काठमाडौंमा एक जनाको मृत्यु भएको हो । योसँगै ६३ संक्रमितको मृत्यु भएको छ ।

यसैबीच, पछिल्लो २४ घण्टामा नेपालमा थप ३ सय ८१ जनामा कोरोना भाइरसको संक्रमण देखिएको छ । स्वास्थ्य मन्त्रालयका प्रवक्ता डा. जागेश्वर गौतमका अनुसार संक्रमितको संख्या २१ हजार ३ सय ९० जना पुगेको छ ।

यस्तै, बुधबार १ सय ३० जना उपचारपछि निको भएका छन् । नेपालमा हालसम्म १५ हजार १ सय ५६ जना उपचारपछि निको भएको स्वास्थ्य मन्त्रालयले जनाएको छ । संक्रमण फैलिएसँगै सरकारले १४ जिल्लामा निषेधाज्ञा जारी गरेको छ ।

मुख्यतः दीर्घ रोगीहरू, बालबालिका, विभिन्न रोगले प्रताडित भएकाहरू कोरोनाको जोखिममा रहेको चिकित्सकहरू बताउँछन् । उक्त समाचार आजको राजधानी दैनिकमा छापिएको छ ।

प्रकाशित मिति : २२ श्रावण २०७७, बिहिबार  ७ : ०० बजे

एएफसी यु–१७ एसियन कप : नेपाल थाइल्यान्डसंग पराजित

काठमाडौं । एएफसी यु–१७ एसियन कप छनोट २०२३ अन्तर्गत बुधबार

राप्ती नदि बढेर खतराको चिन्ह पार, तटीय क्षेत्रका स्थानीयलाई सावधानी अपनाउन आग्रह

नेपालगन्ज । अबिरल वर्षापछि बढेको राप्ती नदिको बहावले खतराको चिन्ह

प्रचण्डले परिवारलाई टिका लगाइदिए, आफुले लगाएनन्

काठमाडौं । जनयुद्धकालमा बुर्जुवाहरुको पर्व भन्दै दसैं नमनाउने गरेका नेकपा

भ्रातृशोकमा रहेका प्रधानमन्त्री देउवाले दसैको टिका लगाएनन्

काठमाडौं । राष्ट्रपति विद्या भण्डारी र एमाले अध्यक्ष केपी ओलीले

आधुनिक घट्टले खुड्खुडीमा फेरियो दैनिकी

सुर्खेत । दैलेखको ठाटीकाँध गाउँपालिका( ३ खुड्खुडीका लालबहादुर आले मगर