काठमाडौं। सामाजिक उत्तरदायित्व अन्तर्गत अगरबत्ती बनाएर विदेशी अगरबत्तीलाई प्रतिस्थापन गर्न जुटेको सूर्य नेपालले मंगलदीप त्रिसारा अगरबत्ती बजारमा ल्याएको छ।
सुर्य नेपालले हालै बजारमा ल्याएको त्रिसारा अगरबत्तीको हरेक काँटीमा मनमोहक सुगन्ध रहेको कम्पनीले दाबी गरेको छ।
जिपलक प्याकमा उपलब्ध हुने त्रिसारा अगरबत्तीको प्याकमा १८० काँटी राखिएका छन्।
जिपलकले गर्दा काँटीको गुणस्तरीयता, सुगन्ध लामो समय सम्म टिक्ने कम्पनीले जनाएको छ ।
कम्पनीले संस्थागत सामाजिक उत्तरदायित्व अन्तर्गत मंगलदीप नामबाट विभिन्न अगरबत्ती बनाएर बिक्री गर्दै आएको छ ।
सुर्य नेपालले नेपालमा अगरबत्ती उत्पादन गरेर अगरबत्तीको अवैध आयातलाई रोक्ने तथा राजस्व वृद्धिमा सघाउने उद्देश्य रहेको जनाएको छ।
बजारमा नयाँ ल्याईएको त्रिसारा अगरबत्तीको मूल्य सय रुपैयाँ राखिएको कम्पनीले जनाएको छ।
प्रतिक्रिया