४ आश्विन २०८०, बिहिबार | September 21, 2023

गृहको आदेश कार्यान्वयन नहुँदा उपत्यकामा कोरोना जोखिम बढ्यो, भनसुनका आधारमा उपत्यका छिर्ने संख्या ठूलो



काठमाडौं । सरकारले जारी गरेको लकडाउन कायम हुँदासम्म केहि शान्त देखिएको संघीय राजधानी काठमाडौं लकडाउन हटाएसँगै कोरोनाको चपेटामा परेको छ ।

बिहीवार देशका ४१ जिल्लामा ३ सय ६० जना संक्रमित थपिँदा काठमाडौंमा मात्र ७६ जना संक्रमित थपिए । ४१ जिल्लाहरुको तुलनामा राजधानीमा थपिएको संख्या सबैभन्दा बढी देखियो । स्वास्थ्य सुरक्षाका दृष्टिकोणले यो तथ्यांक निकै जोखिमपूर्ण मानिएको छ ।

उपत्यकामा ७६ जना थपिँदा भक्तपुरमा १ र ललितपुरमा १० जना थपिए। पछिल्ला केही दिन यता उपत्यकाभित्र कोरोना संक्रमितको सङ्ख्या निरन्तर बढिरहेको छ ।

अहिले सम्ममा ४ सय ७२ जना काठमाडौं, १ सय २४ जना ललितपुर र ७८ जना भक्तपुर गरी उपत्यकामा मात्र ६ सय ७४ जना संक्रमित पुष्टि भईसकेका छन् ।

संघिय सरकारले स्वास्थ्य सुरक्षाका नीति बनाउँदा राजधानीलाई केन्द्रबिन्दुमा राखेर नीति बनाउँदै आएपनि कोरोना संक्रमण राकिन नछाडे पछि शुक्रवार तीनवटै जिल्लाका प्रमुख जिल्ला अधिकारी, सुरक्षा निकाय र स्वास्थ्य क्षेत्रका अधिकारीहरुले बैठक बोलाईएको छ । बैठकमा उपत्यकाभित्र बढ्दै गएको संक्रमणलाई कसरी नियन्त्रण गर्ने भन्ने विषयमा छलफल हुने बताईएको छ ।

उपत्यकाको सिमा नाकाहरुमा कडाई गर्न नसक्दा उपत्यकामा संक्रमण बढेको चर्चा चलिरहँदा प्रमुख जिल्ला अधिकारीहरु सहित सुरक्षा निकायमो बैठक डाकिएको हो ।

काठमाडौ महानगरपालिाकाका मेयर बिद्यासुन्दर शाक्यले यस अघि नै पीसीआरमा खर्च गर्नु भन्दा नाकामा कडाई गर्न भनिसकेका छन् । उनको यो भनाईले पनि गृह प्रशासन मातहतका निकाय उपत्यकाको सिमानाकामा कडाई गर्न असफल रहेको पुष्टि हुन्छ ।

पछिल्लो तथ्याँक अनुसार भक्तपुरको साँगा भञ्ज्याङ नाका र काठमाडौंको नागढुंगा हुँदै उपत्यका प्रवेश गर्ने व्यक्तिमा कोरोनाको संक्रमण बढी देखिएको छ।

गृह प्रशासनले बिना पासको ब्यक्ति वा सवारीलाई उपत्यका छिर्न नदिने नीति बनाएपनि नाकाबाट प्रहरी उच्च अधिकारीको भनसुनमा, मन्त्रीका सोर्समा, दलका पहुँचवाला नेताको सिफारीसमा र कतिपय अवस्थामा स्थानीय प्रशासनको नक्कली पास बनाएर उपत्यका छिराउने काम भईरहेको छ ।

पहुंचका आधारमा आदेश बमोजिम नाकाबाट उपत्यका प्रवेश गराउने काम भईरहेको नाकामा रहेका प्रहरीले नाम नबताउने शर्तमा बताए । उपत्यका प्रवेशमा लागि गएका सयौं गाडीहरु मध्य फिर्ता पठाइृएको बिरलै घटनाहरु सार्वजानिक भएका छन् । एक आढ घण्टा नागढुङ्गामा कुरेपछि कुनै न कुनै स्रोतबाट उपत्यका छिर्ने वाताबरण बन्ने गरेको छ ।

गृह मन्त्रालयले बुधवार सुचना जारी गर्दै २ सय भन्दा बढी संक्रमित देखिएको जिल्लामा जोरबिजोर प्रणाली लागु गर्ने निर्णय अनुसार काठमाडौं उपत्यकाभित्र बिहिवारदेखि जोरोबिजोर अनुसार सवारी संचालनमा छन्।

प्रकाशित मिति : २३ श्रावण २०७७, शुक्रबार  १० : ०५ बजे

चितवनका ‘पुष्पा र अञ्जली’लाई कोशी पठाइँदै

चितवन । चितवन राष्ट्रिय निकुञ्जमा रहेका दुई वटा गैँडा पुष्पा

नेकपा एकीकृत समाजवादीको बैठक स्थगित

काठमाडौं । नेकपा (एकीकृत समाजवादी) को ६७ औँ सचिवालय बैठक

कागेश्वरी मेलाको तयारी पूरा

काठमाडौं । शिवपुरी नागार्जुन राष्ट्रिय निकुञ्जसँग जोडिएको ऐतिहासिक, धार्मिक र

नौबस्ता औद्योगिक क्षेत्र सञ्चालन गर्न माग

नेपालगन्ज । बाँकेको वैजनाथ गाउँपालिकास्थित नौबस्ता औद्योगिक क्षेत्र अविलम्ब सञ्चालन

असफल योजनाको पहिचान गरी पूर्णता दिन्छौँ : मुख्यमन्त्री पाण्डे

म्याग्दी । गण्डकी प्रदेशका मुख्यमन्त्री सुरेन्द्रराज पाण्डेले बजेट अभाब र