काठमाडौं । कोरोना भाइरसको संक्रमणबाट थप ३ जनाको मृत्यु भएको छ ।
स्वास्थ्य तथा जनसंख्या मन्त्रालयले आयोजना गर्ने नियमित कोरोना ब्रिफिङमा मन्त्रालयका प्रवक्ता प्राडा. जागेश्वर गौतमले साउन २३ गते शुक्रबार अलग अलग स्थानमा तीन जनाको मृत्यु भएको बताएका हुन् ।
जसमध्ये, काठमाडौंको टोखा नगरपालिका वडा नं. ६ निवासी ४१ वर्षीया महिलाको पाटन अस्पतालमा मृत्यु भएको छ। उनको शुक्रबार बिहान ११ः३०मा मृत्यु भएको डा. गौतमले जानकारी दिए ।
यसैगरी मोरङको विरानटगर महानगरपालिका वडा नं. ९ निवासी ५८ वर्षीय एक पुरुषको शुक्रबा बिहान सवा ९ बजे मृत्यु भएको छ । ती पुरुष उच्च रक्तचाप र निमोनियाका बिरामी रहेका ती पुरुषलाई स्वावप्रश्वासमा समस्या भएपछि सप्तकोशी अस्पतालबाट कोशी अस्पतालमा लैजाँदै गर्दा बाटैमा मृत्यु भएको थियो ।
यस्तै, पर्साको वीरगन्ज महानगरपालिका छपकैया निवासी ७६ वर्षीय पुरुषको शुक्रबारै दिउँसो साढे १ बजे गण्डक कोभिड अस्पतालमा मृत्यु भएको थियो । उनी मधुमेह र दमका रोगी थिए ।
यससँगै हालसम्म मृत्यु हुनेको संख्या ७३ पुगेको छ ।
प्रतिक्रिया