जुम्ला । कोरोना भाइरसका संक्रमितहरु निरन्तर बढ्दै गएपछि जुम्लाको सदरमुकाममा निषेधाज्ञा लगाइएएको छ ।
जिल्ला प्रशासन कार्यालय जुम्लालाले आइतबार दिउँसो ३ बजेदेखि अर्को आदेश जारी नभएसम्मका लागि सदरमुकाम रहेको चन्दननाथ नगरपालिका र तिला गाउँपालिकाको केही क्षेत्रमा निषेधाज्ञा लगाएको हो ।
कर्णाली स्वास्थ्य विज्ञान प्रतिष्ठानको परीक्षण प्रतिवेदन अनुसार चन्दननाथ नगरपालिका तथा तिला गाउँपालिकाका वासिन्दामा कोरोना भाइरसको संक्रमण देखिएकोले निषेधाज्ञा लगाउनुपरेको प्रशासनले जिकिर गरेको छ ।
कोरोना संक्रमण समुदायस्तरसम्म फैलिनसक्ने भएका कारण चन्दननाथ नगरपालिकाको पूर्वमा दानासाँघु, पश्चिममा उमागढ, उत्तरमा कर्णाली प्राविधिक शिक्षालय तथा दक्षिणमा तिला नदीमम्म निषेधाज्ञा लगाइएको छ ।
यसैगरी तिला गाउँपालिकाको वडा नं. ५ ढिमकोट गाउँको पूर्वमा चुलाकोट, पश्चिममा जुगामूल उत्तरमा डुङ्ग्री गाउँ र दक्षिणमा खोलीगाउँको चारकिल्ला क्षेत्रमा निषेधाज्ञा लगाइएको छ ।
निषेधाज्ञा लगाइएको क्षेत्रमा औषधी पसल र स्वास्थ्य सेवाबाहेकका सम्पूर्ण क्रियाकलापमहरु पूर्ण रुपमा बन्द गर्न आदेश दिइएको छ ।
संक्रामक रोग ऐन २०२० को २ (२) तथा स्थानीय प्रशासन ऐन २०२८ को दफा ६ को ३ बमोजिम निषेधाज्ञा जारी गरिएको प्रशासनले जनाएको छ ।
प्रतिक्रिया