कोरोनाबाट जोगिन काठमाडौं विश्वविद्यालय १५ दिनका लागि बन्द

धुलिखेल । कोरोना भाइरसको सङ्क्रमण बढ्दै गएका अवस्थामा पूर्वसावधानी अपनाउन भन्दै धुलिखेलस्थित काठमाडौंं विश्वविद्यालय१५ दिनका लागि बन्द गरिएको छ ।

विश्वविद्यालयका रजिष्ट्रार प्राडा. सुबोध शर्माले सोमबार सूचना जारी गर्दै कोभिड–१९ को सङ्क्रमण बढ्दै गएका कारण विश्व विद्यालय बन्द गरेको जानकारी गराएका छन् ।

काठमाडौं उपत्यकालगायत काभ्रेपलाञ्चोक जिल्लाका धुलिखेल र बनेपा नगरपालिका क्षेत्रमा पनि सङ्क्रमण बढ्ने सम्भावना दृष्टिगत गरी पूर्वसावधानीस्वरुप सोमबारदेखि काठमाडौं विश्वविद्यालय मातहतका स्कूल (अत्यावश्यक र स्कूल अफ मेडिकल साइन्सेजबाहेक) सेवा १५ दिनसम्मका लागि स्थगन गरिएको रजिष्टार शर्माले बताएका छन् ।

विश्वविद्यालय स्थगन भए पनि अनलाइन विधिबाट हाल जारी पठनपाठन भने सञ्चालन हुने जनाइएको छ ।