धादिङ निलकण्ठका ३२ वर्षीय युवकको कोरोना संक्रमणबाट मृत्यु; स्वास्थ्य मन्त्रालय भन्छ, – ९१ जनाको ज्यान गैसक्यो

काठमाडौं । कोरोना भाइरसको संक्रमणबाट मृत्यु हुनेको संख्या निरन्तर उकालो लाग्दो क्रममा छ ।

हालसम्म देशभर कोरोनाबाट मृत्यु हुनेको संख्या ९१ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयको आधिकारिक तथ्यांक अनुसार बुधबार मात्रै ८ जनाको मृत्यु भएको छ ।

जसमध्ये धादिङको निलकण्ठ गाउँपालिकाका ३२ वर्षीय एक युवाको काठमाडौंको ह्याम्स अस्पतालमा उपचारकका क्रममा मृत्यु भएको छ ।

यसैगरी, काठमाडौंका एक जना, धनुषाकाका दुई जना, सप्तरीका एक जना, मोरङका एक जना, कपिलवस्तुका एक जना र बाराका एक जनाको निधन भएको रिपोर्ट मन्त्रालयले सार्वजनिक गरेको हो ।

मन्त्रालयले कोरोनाको संक्रमण र मृत्युदर दुवै बढेका कारण उच्च सावधानी अपनाउन सबैसँग अपील पनि गरेको छ ।