बुटवल । रोट्रयाक्ट क्लब अफ बुटबल रामापिथेकसले प्रदेश ट्राफिक कार्यलय बुटबलमा मास्क र सेनेटाइजर बितरण गरेको छ । कोभिड १९ को महामारीले सुरक्षामा जोखिम बढ्दै गएको महशुस गरी मास्क र सेनेटाइजर वितरण गरिएको क्लबका अध्यक्ष रमेश ढकालले बताएका छन् ।
स्वास्थ्य सामाग्री हस्तान्तरण कार्यक्रममा बोल्दै रोटरी डिष्ट्रीकका पोलियो चेयर राजेन्द्र ढकालले रोट्रयाक्ट क्लव अफ बुटबल रामापिथेकसले स्थापना कालदेखि नै सामाजिक क्षेत्रमा महत्वपूर्ण काम गर्दै आएको बताए । उनले कोभिड १९ को महामारीबाट जोगिन सहज होस भन्ने उद्देश्यले सुरक्षा कर्मीहरुलाई मास्क, सेनेटाइजर वितरण गरिएको बताए।
प्रदेश टा«फिक कार्यलयका प्रहरी नायक उपरिक्षक डिल्ली नारायण पाण्डेले सुरक्षाकर्मीमाथि हुने जोखिलाई मास्क र सेनीटाइजरले केही सहयोग पराउने बताए । कार्यक्रममा रोट्रयाक्ट क्लब अफ बुटबल रामापिथेकसका संस्थापक अध्यक्ष सरोज पोखरेल, पूर्व अध्यक्ष साजन भण्डारी लगायतले मन्तव्य राखेका थिए ।
प्रतिक्रिया