काठमाडौं । नेपाल अडिटर्स एशोसिएसन (अडान) र माछापुच्छ्रे बैंकबीच अडानमा आवद्ध सदस्यहरुलाई बिना धितो प्रोफेशनल कर्जा दिने सम्झौता भएको छ ।
सोमबार माछापुच्छ्रे बैंकका प्रमुख कार्यकारी अधिकृत सन्तोष कोईराला र नेपाल अडिटर्स एशोसिएसन (अडान)का अध्यक्ष मोहनराज रेग्मीले एक कार्यक्रमका बीच (अडान) मा आवद्ध सदस्यहरुलाई बिना धितो प्रोफेशनल कर्जा दिने सम्झौता गरेका हुन ।
अडानमा आवद्ध सदस्यहरुलाई बैंकका एक सय ५९ शाखाबाट बिना धितोमा रु १५ लाख सम्मको कर्जा,ओभरड्राफ्ट सुविधा, क्रेडिट कार्ड सुविधा एवं अन्य सुविधाहरु न्यून ब्याजदरमा प्रदान गर्ने माछापुच्छ्रे बैंकले जनाएको छ ।
सम्झौतापछि अडानका आजीवन सदस्यहरुले कोरोनाको माहामारीमा तरलताको समस्या र प्रोफेशनल एवं व्यक्तिगत आवश्यकताहरु केही हदसम्म समाधान गर्नको लागि बिनाधितोमा सहुलियतपूर्ण बैंङ्किङ सुविधा, कर्जा लिन सहज हुने कुरामा आफु बिस्वस्त रहेको एशोसिएसनका प्रमुख कार्यकारी अधिकृत नरेश खनालले जानकारी दिए ।
प्रतिक्रिया