बैतडी । बैतडीको पाटन नगरपालिका–३ मा पहिराले खानेपानीको पाइप बगाउँदा स्थानीयलाई खानेपानीको समस्या भएको छ ।
वडा नं ३ को दम्मोरा टोलमा आउने खानेपानीको पाइप पहिराले बगाएको हो । झालीमाली मुहानबाट खानेपानी ल्याइएको भए पनि पाइप लाइनको बीच भागमा पहिरो जाँदा करिब १०० मिटर पाइप बगाएको स्थानीय दीपेन्द्र पन्तले जानकारी दिए ।
गए राति खसेको पहिराले खानेपानीको पाइप बगाएको छ । पहिराले खानेपानीको पाइप बगाएसँगै सो ठाउँका १० घर परिवार खानेपानीबाट वञ्चित भएका छन् । गाउँमा आउने खानेपानी अवरुद्ध भएपछि खोलाको दूषित खानेपानी प्रयोग गर्नुपर्ने बाध्यता परेको पन्तको भनाइ रहेको छ । रासस
प्रतिक्रिया