काठमाडौं । नेकपा एमालेका केन्द्रीय सदस्य तथा कास्की जिल्ला इन्चार्ज कृष्ण थापाको निधन भएको छ।
बिहीबार कास्की जिल्ला कमिटीको बैठकमा निर्वाचनको समीक्षा गर्दै बोल्ने क्रममा उनी अचानक ढलेका थिए। त्यसपछि तत्कालै उनलाई उपचारका लागि मणिपाल शिक्षण अस्पताल लगिएको थियो। अस्पताल पुर्याइएलगत्तै चिकित्सकहरूले उनको मृत्यु भएको पुष्टि गरेका छन्।
उनको शव हाल मणिपाल शिक्षण अस्पतालमै राखिएको छ। जिल्ला कमिटीको बैठकस्थलमै उनलाई हृदयघात भएको प्रारम्भिक जानकारी दिइएको छ।
गत फागुन २१ मा सम्पन्न प्रतिनिधिसभा निर्वाचनका लागि उनलाई कास्की–२ बाट उम्मेदवार बनाइएको थियो। तर पार्टीभित्र विरोध भएपछि उनको उम्मेदवारी फिर्ता लिँदै सो स्थानबाट रश्मि आचार्यलाई उम्मेदवार बनाइएको थियो।
प्रतिक्रिया