काठमाडौं । ललितपुरको पाटन अस्पतालमा शुक्रबार बिहान दुई जना कोरोना संक्रमितको मृत्यु भएको छ ।
पाटन अस्पतालमा उपचाररत दोलखा र सर्लाहीका दुई जनाको मृत्यु भएको जिल्ला कोभिड–१९ व्यवस्थापन केन्द्र ललितपुरले जनाएको छ ।
दोलखाकी ३० वर्षीया युवती र सर्लाहीको मलंगवाका ४६ वर्षीय पुरुषको मृत्यु भएको हो । उनीहरुको ट्राभल हिस्ट्री खुल्न बाँकी रहेको पनि व्यवस्थापन केन्द्रले जनाएको छ ।
स्वास्थ्यअवस्था कमजोर बनेपछि दोलखाकी युवती भदौ २ गते उपचारका लागि पाटन अस्पताल भर्ना भएकी थिइन ।
यसैगरी सर्लाहीका पुरुष भने साउन ३१ गते सोही अस्पतालमा भर्ना भएर उपचाररत थिए ।
प्रतिक्रिया